ప|| సతతవిరక్తుడు సంసారిగాడు | రతిసమ్మదుడు విరక్తుడు నితడె ||

చ|| నిత్యుడైనవాడు నిఖిలలోకముల- | బ్రత్యక్ష విభవసంపన్నుడు గాడు |
నిత్యుడు నితడే నిరుమానుడైన- | ప్రత్యక్ష విభవ సంపన్నుడితడె ||

చ|| యోగియైనవాడు నొనర నేకాలము | భోగియై భోగిపై భోగింపలేడు |
యోగియు నితడే వుడుగక భోగిపై | భోగించునటువంటి పురుషుండు నితడే ||

చ|| దేవుడైనవాడు దెలుప లోకముల | దేవతారాధ్యుడై దీపింపలేడు |
దేవుడు నితడే దివిజవంద్యుడైన | శ్రీ వేంకటగిరి దేవుండితడె ||