సుగ్రీవ నారసింహ సులభుడ వందరికి |
అగ్రేసరుడ నీవు అవధారు దేవ ||

సనకాదులొకవంక జయవెట్టుచున్నారు |
ఎనసి సురలు చేతులెత్తి మొక్కేరు |
మును లిరుమేలనుండి మునుకొని నుతించేరు |
అనుపమాలంకార అవధారు దేవ ||

గంగాది నదులెల్ల కడిగి నీపాదములు |
పొంగుచు సప్తర్షులు పూజించేరు |
సంగతి వాయుదేవుడు సరి నాలవట్టమిడీ |
అంగజ కోటిరూప అవధారు దేవ ||

పరగ నారదాదులు పాడేరు నీచరిత |
పరమ యోగీంద్రులు భావించేరు |
సిరులు మించినయట్టి శ్రీవేంకటాద్రిమీద |
అరుదుగ నున్నాడవు అవధారు దేవ ||