ప|| సులభమా యిందరికి జూడ సులభముగాక | కలిగె మీకృప నాకు గమలరమణా ||

చ|| సతతదయాచారసంపన్నుడై మఱికదా | అతిశయవైష్ణవాన కరుహుడౌట |
వ్రతోపవాసతీర్థవరసిద్దుడై కదా | మితిమీరి నరహరి మీదాసుడౌట ||

చ|| సకలయజ్ఞఫలము సత్యము ఫలముగదా | ప్రకటించి విష్ణునామపాఠకుడౌట |
అకలంకమతితోడ నాజన్మశుద్ధుడై కదా | అకుటిలమగుమీచక్రాంకితుడౌట ||

చ|| కెరలి సదాచార్యకృపగలిగినగదా | నిరతి శ్రీవేంకటేశ నిన్ను గనుట |
మరిగి మీపై భక్తి మఱి ముదిరినగదా | అరయ మీకే శరణాగతుడౌట ||