పల్లవి:

సువ్వి సువ్వి సువ్వాలమ్మా
నవ్వుచు దేవకి నందను గనియె॥

చరణం:

శశి వొడచె అలసంబులు గదచె
దిశల దేవతల దిగుళ్ళు విడచె॥

చరణం:

కావిరి విరిసె కంసుడు గినిసె
వావిరి పువ్వుల వానలు గురిసె॥

చరణం:

గతి సేసె అటు గాడిద గూసె
కుతిలకుడిచి జనకుడు నోరు మూసె॥

చరణం:

గగురు పొడిచె లోకము విధి విడిచె
మొగులు గురియగ యమునపై నదచె॥

చరణం:

కలిజారె వేంకటపతి మీరె
అలమేల్మంగ నాంచారమ్మకలుకలు తీరె॥