తానె తానే యిందరి గురుడు
సానబట్టిన భోగి జ్ఞాన యోగి ||

అపరిమితములైన యజ్ఞాల వడిజేయ
బ్రపన్నులకు బుద్ధి వచరించి
తపముగా ఫలత్యాగము సేయించు
కపురుల గరిమల కర్మయోగి ||

అన్నిచేతలను బ్రహ్మార్పణవిధి జేయ
మన్నించు బుద్ధులను మరుగజెప్పి
ఉన్నతపదమున కొనరగ గరుణించు
పన్నగశయనుడే బ్రహ్మయోగి ||

తనరగ గపిలుడై దత్తాత్రేయుడై
ఘనమైన మహిమ శ్రీ వేంకటరాయడై
వినరగ సంసార యోగము గృపసేయు
అనిమిషగతుల నభ్యాసయోగి ||