ప|| తెలిసినవారికి తెరువిదే మరిలేదు | నళినాక్షు పొగడెడి నామములో నున్నది ||

చ|| ఆకసాన లేదు మోక్ష మటుపాతాళాన లేదు | ఈకడ భూలోకమందు ఎందులేదు |
పైకొని ఆసలెల్ల పారద్రోలి వెదకితే | శ్రీకాంతు పొగడేటి చిత్తములో నున్నది ||

చ|| సురల వద్ద లేదు సోదించ నమృతము | సరిభీకులందు లేదు జలధిలో లేదు |
శరణాగతుల పాద జలముల జేర్చికొనే | హరిదాసుల పూజించే అరచేత నున్నది ||

చ|| రాజసాన సుఖమేది రాసి కర్మమందునేది | వోజతోడ నియతుడై వుండినా నేది |
సాజాన శ్రీ వేంకటేశు సరి ముద్రలు ధరించే | తేజముతో విజ్ఞన దేహములొ వున్నది ||