ప|| తెలియక వూరక తిరిగేము | చలమరి కగునా సంతతసుఖము ||

చ|| హేయము కడుపున నిడుకొని యింకా | చీ యనినమాకు సిగ్గేది |
పాయము పిడికిట బట్టుచునుండేటి- | కాయధారులకు గలదా విరతి ||

చ|| అంగనలరతులయాసలనీదేటి- | యెంగిలిమనుజుల కెగ్గేది |
ముంగిట నార్గురుముచ్చులగూడిన- | దొంగగురుని కిందుల నిజమేది ||

చ|| జననమరణములు సరిగని కానని | మనుజాధమునకు మహిమేది |
యెనగొని శ్రీవేంకటేశు శరణమిటు | గని మనకుండిన గతి యిక నేది ||