ప|| తెలియని వారికి తెరమరుగు | తెలిసిన వారికిదిష్టంబిదియే ||

చ|| కన్నుల యెదుటను గాంచిన జగమిది | పన్నిన ప్రకృతియు బ్రహ్మమే |
ఇన్నిటనుండగ ఇది గాదని హరి | కన్న చోట వెదకగ బోనేల ||

చ|| ఆగపడి యిరువది యైదై జీవుని | తగిలిన వెల్లా తత్త్వములే |
నగవుల నిదియును నమ్మగ జాలక | పగటున తమలో భ్రమయగ నేలా ||

చ|| అంతరంగుడును నర్చావతారము | నింతయు శ్రీ వేంకటేశ్వరుడే |
చెంతల నీతని సేవకులకు మరి | దొంతి కర్మముల తొడసిక నేలా ||