తగిలనమును లేయాతని గందురంటా
మగువ యెవ్వరితోడ మాటాడదిపుడు ||

అతుల నిరాహరులాతనికి బ్రియులంటా
అతివ నిన్నటినుండి యారగించను
తతినడపుల నుండి తపసు లేయతనికి
హితులంటా వనములో నెడయ దీ తరుణి ||

తలకొన్న యతనిపై తలపే పరమంటా
చెలియ చెక్కిటనున్న చెయి దియ్యదు
వలనైన యాతడు దేవతల కొడయడంటా
కలికి రేయిబగలు కనుముయ్యదిపుడు ||

అడరిజలములోన నతడుండునంటా
వడియు జెమట దుడువదు మేనను
కడు మంచియతడు వేంకటగిరి విభుడంటా
పడతి యాతనినె గుబ్బలనోత్తనిపుడు ||