ప|| తహతహలిన్నిటికి తానే మూలము గాన | సహజాన నూరకున్న సంతతము సుఖము ||

చ|| భారమైపదివేలుపనులు గడించుకొంటే | సారెసారె నలయించకపోవు |
తీరనియాసోదము దేహములో నించుకొంటే | వూరూర దిప్పితిప్పి వొరయకమానవు ||

చ|| వుండివుండి కిందుమీదు వుపమ జింతించుకొంటే | వుండుబో మంచముకింద నొకనూయి |
కొండంతదొరతనము కోరి మీద వేసుకొంటే- | నండనే యాబహురూపమాడకపోదు ||

చ|| మనసురానివైన మంచిని చేసుకొంటే | తినదిన వేమైన దీపవును |
తనిసి శ్రీవేంకటేశు దాసానుదాసుడైతే | యెనయుచు నేపనికెదురే లేదు ||