ప|| తలచినవన్నియు దనకొరకే వెలి | దెలియుట దనలో దెలియుటకొరకే ||

చ|| ఉదయమందుట భవముడుగుటకొరకే | చదువుట మేలువిచారించుకొరకే |
బ్రదుకుట పురుషార్థపరుడౌటకొరకే | యెదిరి గనుట తన్నెరుగుటకొరకే ||

చ|| తగులుట విడివడదలచుటకొరకే | నొగలుట కర్మమనుభవించుకొరకే |
చిగురౌట కొమ్మయి చెలగుటకొరకే | బెగడుట దురితము పెడబాయుకొరకే ||

చ|| యీవల జేయుట ఆవలికొరకే | ఆవలనుండుట యీవలికొరకే |
యీవలనావల నెనయ దిరుగుటెల్ల | శ్రీవేంకటేశ్వరు జేరుటకొరకే ||