ప|| తలపు కామారుతత్త్వముమీద నలవడిన- | నిల నెట్టివారైన నేలాగు గారు ||

చ|| ఓలి నిరువురుసతుల నాలింగనముసేయ | లోలుడటుగాన నాలుగుచేతులాయ |
వేలసంఖ్యలుసతుల వేడుకల రమియింప | బాలుపడెగాన రూపములు పెక్కాయ ||

చ|| పొలయలుక కూటములభోగి దానటుగాన | మలసి యొక్కొకవేళ మారుమొగమాయ |
లలిత లావణ్య లీలావిగ్రహముగాన | కొలదివెట్టగరానిగోళ్ళు నిడుపాయ ||

చ|| చిరభోగసౌఖ్యముల జెంద ననుభవిగాన | తిరువేంకటాచలాధీశ్వరుండాయ |
పరగ సంసారసంపదకు బద్ధుడుగాన | అరుదుగా సకలాంతరాత్మకుడాయ ||