తన మేలెచూచు గాక తరుణుల యెడలను
యెనలేని మగవాని నేమనగ వచ్చును ||

మంత నాన నాకె నీవు మాటలాడే చోటికి
వింతది రా సిగ్గుగాదా విచారించితే
చెంత నీ వెదెర గక చెలి నిందుకు బిల్చేవు
యెంతైనా మగవాని కెక్కడిది తగవు ||

గారవాన నాకె నీవు కాగిలించ కుండ గాను
మారు సతితో తొంగిచూడ గోరము గాదా
ఆరీతి వాకిట నుంటే ఆపె దెమ్మనేవు వీడె
మారజవు మగవాడు ఆదికెకు లోగునా ||

శ్రీవేంకటేశుడ ఆకె చెయి పట్టి పెండ్లాడగా
సేవ సేయ నొకతెకు సెగ్గెము గాదా
యీ వల నన్నేలితివి యీపె నాపె గూడితివి
కావరపు మగవాని కతలిట్టే కాదా ||