తనసొమ్మీడేరించక తా మానీనా
పెనగుచు నేమూరకే బిగిసేముగాక.

భూమితో బ్రపంచమెల్ల బుట్టించిన దేవుడు
ఆమీదిపారుపత్యాన కందుకోపడా
నామమాత్రజీవులము నడుమంతరాల వచ్చి
నేము గర్తలమనుచు నిక్కేముగాక.

యెనలేక యెదిరికి ఇనుమడిచేవారికి
తనతగర మడువ దడవయ్యీనా
గునిసి సంసారపుకొండనే మోచేనంటా
తినికేమిదియు వట్టి దీమసముగాక.

చిత్తములో నున్నట్టి శ్రీవేంకటేశ్వరుడు
మత్తిల్లి నను గావక మానబోయ్యీనా
కొత్తగా నీతని నేడు కొలిచేమనుచు నేము
తత్తరపుస్వతంత్రాన దగిలేముగాక.