ప|| తనవారలు పెరవారలు దాననియెడి వాడెవ్వడు | తమగుణముల దిగవిడిచిన ధన్యుడాతడెపో ||

చ|| తెగబడి మదనసముద్రము దేహముతోడనె దాటిన- | విగతభయుండత డెవ్వడు వీరుండెవ్వడొకో |
పగగొని పంచేంద్రియముల ప్రాణముతోడనె బతికి | జగదేకప్రీతుండగు చతురుండాతడెపో ||

చ|| యేచినపరితాపాగ్నుల నేమియు నొవ్వక వెడలిన | ధీచతురుండతడెవ్వడు ధీరుండెవ్వడొకో |
చూచినమోహపుజూపుల జురుచూండ్ల కెడమియ్యని | రాచరికపు నెరజాణుడు రసికుండాతడెపో ||

చ|| చావుకుసరియగు ద్రవ్యవిచారపు తగులుల బాసిన- | పావనుడెవ్వడు బహుజన్మ బాంధవుడెవ్వడొకో |
శ్రీవేంకటగిరినాథుని చిత్తములోపల నిలిపిన- | దేవసమానుడు నాతడె ధీరుడు నాతడెపో ||