ప|| తనవారని యాస దగిలి భ్రమయనేల | తనువు బ్రాణునికంటె తగులేది ||

చ|| తనువు బ్రాణుడు రెండు తగిలి గర్భమునందు | వొనర నేకమై యుదయించి |
దినములు చెల్లిన తివిరి యాప్రాణుడు | తనువు విడిచిపోయ దయలేక ||

చ|| ప్రాణికై దేహము పాపపుణ్యముసేయు | ప్రాణి వెంటనె బొంది పాశుండగు |
ప్రాణి యచ్చటనైన బాధల బడకుండ | ప్రాణి రక్షించు బొందిబడి దా బోయనా ||

చ|| యెరవుల దేహాలివి నిజమని నమ్మి | యెరిగీనెరుగలే రిది యాలా |
అరయ బరమునకు నాదిపురుషుడై | పరగు శ్రీ వేంకటపతి గలిగుండగా ||