ప|| తరుణి మేనికిని నీ తనువె మాటు | నిరుతపుటాసకు నిండు జూపె మాటు ||

చ|| చెలియ సిగ్గులకు చెక్కు చేయే మాటు | పలుకులకును మోవి పండే మాటు |
నెలకొన్న చింతలకు నివ్వెరగే మాటు | బలు జవ్వనమునకును పయ్యెదే మాటు ||

చ|| ముంచిన నవ్వులకును మొక్కులివే మాటు | మంచి నడపులకు మట్టెలే మాటు |
వంచిన శిరస్సునకు వాలుగొప్పే మాటు | కొంచని చనులకు కొనగోరే మాటు ||

చ|| పొందుల రతులకును పుక్కిటి విడెమే మాటు | అందిన వేడుకకౌ నాయములె మాటు |
విందుల రతులకు వేవేలు వలపులె మాటు | యిందుముఖికై శ్రీ వేంకటేశ నీ యింపె మాటు ||