ప|| వాడె వేంకటాద్రిమీద వరదైవము | పోడమితో బొడచూపె బొడవైన దైవము ||

చ|| వొక్కొక్కరోమకూపాన నొగి బ్రహ్మాండకోట్లు | పిక్కటిల్ల వెలుగొందే పెనుదైవము |
పక్కనను తనలోని పదునాలుగులోకాలు | తొక్కి పాదానగొలచేదొడ్డదైవము ||

చ|| వేదశాస్త్రాలు నుతించి వేసరి కానగలేని- | మోదపుపెక్కుగుణాలమూలదైవము |
పోది దేవతలనెల్ల బుట్టించ రక్షించ | ఆదికారణంబైన అజునిగన్నదైవము ||

చ|| సరుస శంఖచక్రాలు సరిబట్టి యసురల | తరగ పడవేసినదండిదయివమా |
సిరి వురమున నించి శ్రీవేంకటేశుడయి | శరణాగతులగాచేసతమయినదయివము ||