ప|| వేంకటగిరి గోవిందుడా | యింకా నొకరో యిద్దరో మీరు ||

చ|| పచ్చలు దాచిన బాహుపురులతో | అచ్చపు గరముల అందముతో |
అచ్చలు నిచ్చలు నలరుదురిదివో | నిచ్చలు నీవో నీవో కానీ ||

చ|| నిలుచుండుటయును నెరి బవళింపుచు | నలరుటయును మీరటునిటును |
జలజాక్షులు దొడ చరచగ నొరపుల | వెలయగ నిద్రో విభవమిదో ||

చ|| తిరువేంకటగిరి దిగువ తిరుపతిని | పరమానందపు బహుసిరులు |
అరుదుగ బొందుచు అధికము లందుచు | ఉరగశయనుడవొ వొడయడవో ||