ప|| వేసరించేదానగాను వేగినంతా నిన్నును | రాశికెక్క మీకృపనే రతి జెలగుదును ||

చ|| నట్టనడుమనే నీవు నావాడవై వుంటేజాలు | అట్టే నే నెంతటి నైనా నౌదును |
గుట్టుతోడ నీవునాకు గొలువిచ్చితే జాలు | నెట్టన లోకమునకు నేనే రాజౌదును ||

చ|| కందువ నీవు నన్ను గన్నుల జూచితేజాలు | అందపు సిరుల నోలలాడుదును |
మందలించి నాతో నొక మాటలాడితే చాలు | పందెమాడి నీచే తుదిపదము చేకొందును ||

చ|| చేరి శ్రీవేంకటేశ్వర సెలవి నవ్వితే జాలు | కోరి నీవలపులకు గురి యౌదును |
సారె నలమేల్మంగను సతి నీకు నైతే జాలు | మేరతో గూడితిని మేలెల్లా సాదింతును ||