ప|| వేసరితిమెట్ల నీవెంట దిరిగి | గాసిబెట్టక మమ్ము గావరారా ||

చ|| తీసితివి కోరికల తెగనీక పంచలకు | తోసితివి యింటింట దోయదోయ |
చేసితివి నీచేత చెల్లె నికనైనను | ఆస నీపొందొల్ల మంపరాదా ||

చ|| కట్టితివి కర్మముల కడదాక నాపదల | బెట్టితివి దుఃఖముల బెనచిపెనచి |
పట్టితివి చలము మము పాయనని యాస నీ- | విట్లైన గొంత సుఖమియ్యరాదా ||

చ|| కరపితివి పాపములే కడగి నానావిధుల | నెరపితివి దుర్దశలే నేర్పుమెరసి |
తెరగొసంగియును శ్రీతిరువేంకటేశ్వరుని- | నెరిగియును నెరగలేమింక నేతెరువో ||