వెలయు నీ కల్యాణవేదిగా మతినుండి
కలికి జవ్వనపు యాగము సేసెనతడు ||

మలయు నీ నాభి హోమపు గుండమునను
నెలకొన్న విరహాగ్ని నిండా బోసి
పొలయు నీ నిట్టూరుపుల విసరుచును
వొలుకు జెమటల నాహుంతి వోసెనతడు ||

కదసి నీనెస్నడిమి గగనమునందు
పొదలిన యారనే పొగ నిండగా
మదిరాక్షి నీ మంచి మానపు బళువు
నదనెరిగె వేలిచె నతివ నీకతడు ||

కాటుక కన్నుల నిన్ను గడునలైంచి
బూటకముల చిటిపొటి సిగ్గుల
గాటపు గరుణ వేంకటగిరి విభుడు
కోటి హోమము సేసెగూడి నిన్నతడు ||