ప|| వెరపులు నొరపులు వృథా వృథా | ధరపై మరి యంతయును వృథా ||

చ|| తడయక చేసినదానంబులు వృథ | యెడనెడ నెరిగినయెరుక వృథా |
వొడలిలోనిహరి నొనరగ మతిలో | దడవనిజీవమె తనకు వృథా ||

చ|| జగమున బడసినసంతానము వృథ | తగిలి గడించినధనము వృథా |
జగదేకవిభుని సకలాత్ముని హరి | దెగి కొలువనిబుద్ధియును వృథా ||

చ|| పనివడికూడిన పరిణామము వృథ | వొనరగనుండినవునికి వృథా |
ఘనుడగు తిరువేంకటగిరిహరి గని | మననేరని జన్మములు వృథా ||