విచారించు హరి నావిన్నప మవధరించు
పచారమే నాదిగాని పనులెల్లా నీవే ॥ పల్లవి ॥

తనువు నాదెందుగాని ~తనువులోనింద్రియములు
అవిశము నా చెప్పినట్టు సేయవు
మనసు నాదెందుగాని మర్మము నాయిచ రాదు
పనిపడి దూరు నాది పరులదే భోగము ॥విచా॥

అలరి నానిద్దర నాదెందగాని, సుఖమెల్ల
కలలోని కాపిరాలకతలపాలె
తెలివి నాదెందుగాని దినాలు కాలముసొమ్ము
యెలమి బేరు నాది యెవ్వరిదో బలువు ॥విచా॥

కర్మము నాదెందు గాని కర్మములోపలమెల్ల
అర్మిలి నాజన్మముల ఆదీనమె
ధర్మపు శ్రీవేంకటేశ దయానిధివి నీవు
నిర్మితము నీ దింతే నేరుపు నీమాయది ॥విచా॥