ప|| విడుమనవో రోలు విడుమనవో వేగ | విడుమనవో తల్లి వెరచీ, నీబాలుడు ||

చ|| యెన్నడు గొల్లెతలయిండ్లు వేమారు జొచ్చి | వెన్నలు బాలును వెరజడు |
వన్నెలనీకోప మింత వద్దు నీకు నీయాన | కన్నులనవ్వుల ముద్దుగారీ నీబాలుడు ||

చ|| సారెకు పెరుగులచాడెలూ నేడుమొదలూ | గోరయై కోలల బగులమొత్తడు |
కూరిమిలేక నీవు కోపగించగా గన్నీరు | జోరునా రాలగా నిన్నే చూచీ నీబాలుడు ||

చ|| చాలు నీకోప మిది సరిలేని ముద్దులివి | రొలనేవీట్లను విరుగద్రోయడు |
మేలిమివేంకటపతి మేటి నీకొమారుడిదె | కేలెత్తి నీకు మ్రొక్కెడి నిదె బాలుడు ||