ప|| వీని జూచియైన నేము విరతిబొందగలేము | పూని మాబ్రదు కిందుబోలదాయగా ||

చ|| వరుల వేడగబోవు పరనిందకు జొరవు | పరపురుషార్థమే ఫలవృక్షతతులెల్ల |
నరులమై ఘనులమై నానాబుద్ధు లెఱిగి | పొరి మాబ్రదుకు లిందుబోలదాయగా ||

చ|| కామక్రోధాలు లేవు కామతత్త్వ మెఱగవు | కామించినట్లవు నెక్కడనైనా శిల లివి |
దీమసము గలిగియు దెలివి గలిగియును | భూమిలో మాబ్రదుకు కిందుబోలదాయగా ||

చ|| వొకరి గొలువబోవు వొకపంట సేయబోవు | వొకమానిగూడు చేరివుండు పక్షు లాడనాడ |
వొకశ్రీవేంకటపతి నమ్మియుండలేము | మొకెమో మాబ్రదు కిందుబోలదాయగా ||