ప|| వినుడిదె రఘుపతి విజయములు | పనుపడి రాక్ష బాధలుడిగెను ||

చ|| కులగిరులదరెను కుంభినివడకెను | ఇల రాముడు రథమెక్కినను |
కలగె వారిధులు కంపించె జగములు | బలు విలునమ్ములు పట్టినను ||

చ|| పిడుగులు దొరిగెను పెనుగాలి విసరె | తొడిబడ బాణము దొడిగినను |
ముడివడె దిక్కులు మొగ్గె దిగ్గజములు | యెడవక రావణునేసినను ||

చ|| చుక్కలు దుల్లెను స్రుక్కె భూతములు | తొక్కి యసురతల దుంచినను |
గక్కున శ్రీ వేంకటగిరి నిలువగ | అక్కజమగు శుభమందరి కొదవె ||