వివరముమాలినట్టివెర్రిదేహి తొల్లి
జవకట్టినంతే కాక చండిపోరనేటికే

మనసంతే మంగళము మరి యెంత పొరలినా
తనువుకొలదియే సత్వములెల్లాను
తనకలి మెంచుకోక తగనిమురిపెముల
పెనగబోతే తీపు పిప్పిలోన గలదా

చెంది విత్తినకొలదే చేరి మొలచేటిపైరు
అంది ఆకటికొలదే ఆహారమెల్ల
ముందువెనక చూడక మొక్కలపుపరువేల
అందనిమానిపంటికి నాసపడవచ్చునా

శ్రీవేంకటేశ్వరు గొలిచిన కొలదియే మేలు
భావించ నాతడిచ్చేది భాగ్యమెల్లాను
వేవేలు మొక్కులేల వెస నానాటికి నెల్ల
తోవగానితోవ బోతే తుదకెక్కగలదా