ప|| వలదన నొరులకు వశమటనే | తలచినట్లనిది దైవమెచేసె ||

చ|| తరుణికుచములను తామరమొగుడలు | విరిసెనోయని వెరపునను |
సరగున పతిసఖ చంద్రశకలములు | దరులుగలుగనిది దైవమెచేసె ||

చ|| పొలతివదనమను పున్నమచంద్రుడు | బలిమినెగయునని భయమునను |
మెలుతచికురధ మ్మిల్లపురాహువు | తలచెదరగనిది దైవమెచేసె ||

చ|| వనితకువాడునొ వలపుతాపమున | తనులతికయనుచు తమకమున |
ఘనవేంకటపతి కౌగిటచమటల | తనివి దీర్చనిది దైవమెచేసె ||