ప|| వలపు లధికము సేయు వైభవములు | తలపు లధికము సేయు దలపోతలు ||

చ|| కోప మధికముసేయు గోరికలు | తాప మధికముసేయు దమకంబులు |
కోపంబు దాపంబు గూడ నధికముసేయు | యేపయినమోహముల నేమందమే ||

చ|| మచ్చి కధికముసేయు మన్ననలు | యిచ్చ లధికముసేయు నీరసములు |
మచ్చికలు నిచ్చలును మగుడ నధికముసేయు- | నెచ్చరికకూటముల నేమందమే ||

చ|| అందమధికముసేయు నైక్యములు | పొందు లధికముసేయు బొలయలుకలు |
అందములు బొందులును నలర నధికము సేయు- | నెందు నరుదగువేంకటేశుకృపలు ||