యజ్ఞ మూర్తి యజ కర్త యజ్ఞ భోక్తవిన్నిటాను
యజ్ఞాది ఫలరూప మటు నీవై వుండవే

పరికించ జీవులకు ప్రాణమవైన నీకు
నిరతి ప్రాణ ప్రతిష్ఠ నేము సేసేమా
మరిగి మా పూజలంది మమ్ము గాచుట కొరకు
హరి నీ మూర్తి ప్రాణమావహించవే

జగతికి నీ పాద జలమే సంప్రోక్షణ
జిగి నీకు సంప్రోక్షణ సేయువారమా
పగటున నన్ను నీవు పావనము సేయుటకు
అగు పుణ్య తీర్థముల అభిషేక మందవే

వేదములు తెచ్చిన శ్రీ వేంకటేశనేమునీకు
వేద మంత్రముల పూజా విధి సేసేమా
యీదెస నీ దాసులమైన మము గాచుటకొరకు
వేదమూర్తి యిందే విచ్చేసి ఉండవే